Sa pamamagitan ng 251 affirmative votes ay tuluyang nang pumasa sa Kamara ang Tatak Pinoy [Proudly Filipino] Act,” na isa sa priority legislation ng Legislative-Executive Development Advisory Council (LEDAC).
Sa pamamagitan ng panukalang ito ay maisusulong ang mga Philippine-made products, goods, at services sa buong mundo.
Ayon kay Speaker Martin Romualdez, isa sa principal author ng panukala, paiigtingin nito ang kolaborasyon sa pagitan ng private sector at palalakasin ang competitiveness ng ating local enterprise.
“We focus strongly on our Filipino workers’ skills, creativity, and innovation. This legislation aims to support local enterprises and ensure inclusive economic growth that reaches all corners of our nation, benefiting the urban poor, subsistence farmers, indigenous communities, and our micro, small, and medium-sized enterprises (MSMEs),” diin ni Romuldez.
Sa ilalim ng panukalang ito, babalangkas nang planong Tatak Pinoy Strategy (TPS) para sa bansa para mapalawak ang produktibong kakayahan ng mga lokal na negosyo.
Nakapaloob din sa panukala ang pagtatatag ng isang Tatak Pinoy Council na siyang bubuo at magpapatupad sa TPS.
Para masiguro ang epektibong implimentasyon ng TPS ay sasailalim ito sa taunang review ng National Economic and Development Authority (NEDA).
Ang TPS ay binubuo ng limang pillar, ito ang workforce, infrastructure, technology and innovation, investments, at public fiscal management and government procurement. | ulat ni Kathleen Jean Forbes
