Nag-abiso na ngayon ang Valenzuela LGU sa ipatutupad na extended truck ban hours sa lungsod sa darating na Sabado, December 16.
Ito ay upang magbigay daan sa gaganaping 2023 Metro Manila Film Festival (MMFF) Parade of Stars na daraan sa CAMANAVA.
Sa inilabas na traffic advisory ng LGU, paiiralin ang extended truck ban hours sa kahabaan ng MacArthur Highway, mula Malanday patungong Marulas, sa December 16, 2023, mula alas-12:00 ng tanghali hanggang 11:59 ng gabi.
Pinapayuhan ang mga motorista na pansamantalang dumaan sa mga alternatibong ruta. | ulat ni Merry Ann Bastasa
