Nakumpleto na noong 2023 ang ₱1.045-billion na halaga ng mga proyektong patubig na makatutulong sa harap ng nararanasang El Niño.
Ayon kay Local Water Utilities Administration (LWUA) Administrator Vicente Homer Revil, kabilang dito ang walong water supply projects na magbebenepisyo sa karagdagang 95,000 na mga kabahayan.
Katumbas ito ng 12% na pagtaas ng household coverage sa Local Water Districts sa buong bansa.
Ngayong 2024, nakatutok ang LWUA sa mga proyekto para maibsan ang epekto ng El Niño, lalo na ang access sa ligtas at murang suplay ng tubig.
Ito’y sa pamamagitan ng mga high-impact project gaya ng pagpapatakbo ng non-operational water districts, bulk water supply, at water treatment facilities.
Alinsunod na rin ito sa direktiba ni Pangulong Ferdinand R. Marcos Jr. na matiyak ang water security sa bansa.
Pinapangasiwaan ng LWUA ang nasa 533 water districts, sa may 648 na lungsod at bayan sa Luzon, Visayas, at Mindanao. | ulat ni Diane Lear
