Ligtas na napadpad sa Brgy. Mercedes, bayan ng Silago, Southern Leyte kahapon ang mga mangingisdang taga-Giporlos, Eastern Samar na sina Junmar Fabillar at Anthony Doblon.
Ayon sa Silago MPS na nagresponde sa insidente, ang dalawa ay na-rescue ng ilang residente malapit sa dalampasigan. Ang mga ito ay kaagad na inasikaso ng barangay at MDRRMO, at agad dinala sa RHU at binigyan ng atensyong medical.
Mapag-aalaman na Enero 12 ng gabi, nang ang basabing mga manginngisda ay abutan ng masamang panahon habang nasa laot na malapit sa Manicani Island, Guiuan Eastern. At dahil sa malalakas na hampas ng malalaking alon, nawasak ang kanilang sinasakyang pumpboat hanggang sa ito ay tuluyan nang lumubog.
Sa ngayon ay inaayos na ng lokal na pamahalaan ang kanilang pag-uwi matapos magpalipas ng gabi sa Municipal Evacuation Center ng Silago. | ulat ni Daisy Lalosa-Belizar | RP1 Borongan
📸 Silago MPS
