Inanunsyo ng Civil Service Commission sa National Capital Region (CSC-NCR) ang extension sa pagsusumite ng aplikasyon para sa March 2024 Career Service Examination – Pen and Paper Test (CSE – PPT).
Kasunod na rin ito ng hirit ng maraming aplikante na mapalawig pa ang application period.
Sa abiso ng CSC-NCR, maaari pang magsumite ng aplikasyon para sa susunod na Career Service Exam hanggang January 12, 2024 o hanggang mapuno ang inilaang additional slots.
Kabilang sa mga lokasyong tatanggap ng aplikasyon hanggang January 12 ang mga satellite office ng CSC sa mga sumusunod:
- Fishermall, Upper Ground Floor, Event Center Quezon City
- SM Manila, Cinema Cluster B, 4L West Wing
- SM North EDSA, Ground Floor Interior Zone
Bukas ang mga naturang tanggapan para magproseso ng aplikasyon mula alas-9 ng umaga hanggang alas-4 ng hapon, tuwing Lunes hanggang Biyernes.
Samantala, hanggang ngayong araw na lang, January 3 tatanggap ng aplikasyon ang CSC-NCR sa SM Megamall at SM Mall of Asia. | ulat ni Merry Ann Bastasa
