Nadagdagan ng 116 na bagong kaso ng fireworks-related injuries sa bansa.
Ayon kay Health Sec. Ted Herbosa, ang kabuuang bilang ng mga pinsala na may kinalaman sa paputok ay nasa 231 na.
Kabilang sa nabanggit na bilang ang pinakabata at pinakamatandang biktima.
Ang pinakabata ay 11 taong gulang kung saan nasunog ang mukha at mata matapos tamaan ng piccolo na ibang tao ang nagsindi.
Habang 76 taong gulang na lalaki naman mula sa Ilocos Region na tinamaan sa kanang mata dahil sa kwitis na sinindihan ng kapitbahay ang pinakamatandang biktima.
Liban dito ay may tatlong bagong kaso ng amputation dahilan kaya nasa 11 na ang kabuuang bilang nito.
NCR pa rin ang nangunguna sa mga fireworks-related injuries na sinundan ng Central Luzon, at Ilocos Region.
Ang mga ppautok naman na nagdudulot ng pinsala sa publiko ay ang mga iligal na 5 star, boga, piccolo at pla-pla.
Nakakapinsala din ang ligal na mga paputok gaya ng whistle bomb, lucis, triangle, fountain at kwitis.
Samantala, nakapagtala din ang DOH ng limang kaso ng stray bullet. | ulat ni Lorenz Tanjoco