Umabot sa 1,314 residente ng lungsod Quezon ang nakatanggap ng tig P5,000 tulong-pangkabuhayan mula sa pamahalaang lungsod ngayong buwan ng Enero, 2024.
Ginawa ito ng pamahalaang lungsod sa ilalim ng Small Income Generating Assistance (SIGA) program.
Mismong si Mayor Joy Belmonte ang nag-abot ng financial aid sa mga benepisyaryo mula sa anim na distrito ng lungsod.
Kuwalipikado bilang benepisyaryo ng programa ang mga displaced at resigned employees, micro-entrepreneurs & vendors na mababa sa P250,000 capitalization, PWD Laid-off OFW, at mga walang trabahong solo parent.
Nakapagbigay din ang LGU ng pampuhunan sa siyam na grupo ng entrepreneur sa tulong ng Sikap at Galing Pangkabuhayan (SIGAP) program.
Bago makatanggap ng puhunan, sumailalim muna sila sa skills training ng Social Services Development Department (SSDD). | ulat ni Rey Ferrer
