Siniguro ng Home Development and Mutual Fund o Pag-IBIG Fund na ang pagtaas ng kontribusyon nito sa Pebrero ay babalik din sa mga miyembro.
Ito’y matapos ianunsyo ng Pag-IBIG na magiging doble na ang hatid na benepisyo nito sa mga miyembro simula sa susunod na buwan.
Ayon kay Pag-IBIG Fund Chief Executive Officer Alexander Hilario “Alex” Aguilar na ang makokolektang karagdagang contribution sa Pag-IBIG members ay gagamitin sa mga proyektong pabahay at iba pang mga programa.
Kaugnay nito, aabot sa ₱38-billion na pondo ang malilikom ng Pag-IBIG sa unang buwan ng dagdag koleksyon at maaaring madagdagan pa ito sa mga susunod na buwan. | ulat ni AJ Ignacio
