Malugod na tinanggap ni Armed Forces of the Philippines (AFP) Deputy Chief of Staff Lieutenant General Charlton Sean Gaerlan PN(M) si German Federal Ministry of Defence Director for Security and Defence Policy, Brigadier General Jürgen Schrödl sa kanyang pagbista sa AFP General Headquarters kahapon.
Ang opisyal ng Alemanya ay nasa bansa para sa 2nd Philippines-Germany Staff Talks, kung saan tatalakayain ang pagsulong ng kooperasyong pandepensa ng dalawang bansa.
Sa pag-uusap ni Lt. General Gaerlan at BGen Schrödl, kapwa inihayag ng dalawang opisyal ang kanilang commitment na suportahan, palakasin at ipagpatuloy ang relasyong pandepensa ng Pilipinas at Alemanya.
Nagpasalamat si Lt. Gen. Gaerlan sa pagbisita ni Bgen. Schrödl, at sinabing umaasa siya na sa pamamagitan ng mas marami pang “engagement” ay magkakaroon ng mas malalim na pang-unawa ang Alemanya sa mga pangangailan ng AFP. | ulat ni Leo Sarne
