Nagbigay-galang sa alkalde ng Lungsod Quezon ang pamunuan ng Quezon City Police District na nakagawian na tuwing pagpasok ng bagong taon.
Kasama ni QCPD Director Police Brigadier General Redrico Maranan ang mga miyembro ng command group, mga Chief ng Directorial Staffs, at lahat ng Station Commander at iba pang opisyal ng QCPD sa naturang event.
Ipinaabot ni General Maranan ang kanyang pasasalamat kay QC Mayor Joy Belmonte sa walang sawang suporta na ibinibagay ng LGU sa mga programa ng QCPD at ganun din ang pagsuporta ng pulisya sa lahat ng programa ng lokal na pamahalaan.
Nagpasalamat din si Mayor Belmonte sa pamunuan ng QCPD sa maayos na pagpapatupad ng batas sa lungsod.
Ipinangako pa ni Gen Maranan sa alkalde ang patuloy na pagbabantay at pagpapanatili sa kaayusan at kapayapaan lalong lalo na ang kapakanan ng mga tag-QC. | ulat ni Rey Ferrer
