Nag-aabang ang mga bangko sa bansa ng rate cut mula sa Bangko Sentral ng Pilipinas (BSP) para sa paglago ng pautang at magtutulak sa paglago ng ekonomiya.
Ayon kay Bankers Association of the Philippines Jose Teoforo Limcaoco, kapag lumuluwag ang inflation lalong nagkakaroon ng kumpiyansa ang mga consumer at lalago ang gross domestic product o GDP.
Aniya, nananatiling nakasuporta ang banking industry sa hangarin ng bansa na paglago ng ekonomiya.
Naniniwala naman si Rizal Commercial Banking Corp. President and CEO Eugene Acevedo, na maaari nang simulan ng BSP ang rate cut ngayong bumabagal na ang inflation upang mas makinabang ang mga consumer at maliliit na negosyo sa mas mababang interes.
Samantala, sa panig ng Philippine Stock Exchange nag-aabang din ang mga investor sa susunod na economic date na ilalabas ng National Economic and Development Authority na magiging batayan ng BSP sa kanilang monetary policy setting. | ulat ni Melany Valdoz Reyes
