Dinipensahan ni Senior Deputy Speaker Aurelio Gonzales Jr ang ginawang pagpapaabot ng pagbati ni Pangulong Ferdinand R Marcos Jr sa bagong halal na Presidente ng Taiwan na si Lai Ching-te.
Ayon kay Gonzales, naaayon ito sa diplomatic principles ng pamahalaan at ang hangaring magkaroon ng positibong foreign relations.
“President Marcos, as the elected leader of our sovereign nation, holds the prerogative to extend congratulations and foster amicable relations with global leaders,” sabi ni Gonzales.
Sagot naman ni Gonzales sa kritisismo ng China sa hakbang ni PBBM, pinahahalagahan ng Pilipinas ang diplomatic relationship nito sa China gayundin ang pakikipagkapwa at pagrespeto sa iba pang karatig bansa ng Pilipinas gaya na lamang ng taiwan.
“The Philippines values its diplomatic relationship with China and remains committed to mutual respect and understanding. However, it’s imperative to clarify that fostering friendly ties with neighboring countries and acknowledging their leadership does not equate to ‘playing with fire’, as the foreign ministry put it.” diin ni Gonzales.
Patunay aniya dito ang malalim na people-to-people relations sa pagitan ng Pilipinas at Taiwan dahil sa mga Pilipino sa naturang bansa.
Bumwelta din si Gonzales sa tila pangaral ng chinese foreign minister sa ating Pangulo na aralin ang kasaysayan.
Aniya bagamat bukas ang Pilipinas sa constructive dialogue, hindi katanggap tanggap ang pangmamaliit sa kakayanan ng ating pinuno.
“While we appreciate constructive dialogue, it’s crucial to approach international discourse with respect. Suggestions that undermine the competence of our nation’s leader are neither productive nor reflective of the mutual respect that should anchor our bilateral relations.” | ulat ni Kathleen Forbes
