Labindalawang senador ang nakapagtala ng perfect attendance simula nitong Second Regular Session ng Kongreso.
Base sa datos ng Senate Secretariat, mula ng pagbubukas ng Second Regular Session noong july 24, 2023 ay walang naitalang absences mula sa mga miyembro ng Senate Lleadership kabilang sina Senate President Juan Miguel Zubiri, Senate President Pro Tempore Loren Legrada, at Majority Leader Joel Villanueva.
Siyam pang ibang senador ang nakapagtala ng perfect attendance kasama sina Senador Ronald ‘Bato’ dela Rosa, Senador Jinggoy Estrada, Senador Sherwin Gatchalian, Senador Christopher ‘Bong’ Go, Senador Ramon ‘Bong’ Revilla Jr., Senador Robin Padilla, Senador Raffy Tulfo, Senadora Cynthia Villar, at Senador Risa Hontiveros.
Ayon kay Zubiri, resulta ito ng magandang camaraderie sa Senado.
Sa pamamagitan aniya ng pagdalo nila sa kanilang mga sesyon ay naipapakita nila ang kanilang commitment sa kanilang tungkulin.| ulat ni Nimfa Asuncion
