Ipinasara ng Department of Migrant Workers (DMW) ang hindi rehistradong illegal recruiter na nag-aalok ng trabaho sa Europe.
Personal itong ipinasara ni DMW Undersecretary Bernard Olalia kasama ang ilang law enforcement units na nasa isang building sa Barangay Salcedo Village, Makati City.
Ayon kay DMW Migrant Workers Protection Bureau Chief, Atty. Eric Dollete, nakuha nila ang impormasyon sa naturang illegal recruiter mula sa isang sumbong sa Migrant Workers Action Center sa Kampo Crame.
Ang naturang recruitment agency ay pag-aari ng isang Filipino na may pangalang Belmun Philippines Incorporated, na hindi nakarehistro sa DMW kung saan nasa anim na OFWs na ang napaalis ng naturang recruitment agency mula pa noong 2023.
Ayon naman kay Joy Salve na may ari ng naturang recruitment agency, na kanila nang ipaparehistro ang kanilang kumpanya upang maging legal na ang pagpapaalis sa OFWs. | ulat ni AJ Ignacio
