Inihahanda na ng Department of Agriculture (DA) ang tulong nito para sa 9,139 na mga magsasaka sa Davao at CARAGA na apektado ng pag-ulang dulot ng shear line.
Ayon sa DA, may direktiba na si Secretary Francisco Tiu Laurel Jr. para sa pagde-deploy ng agricultural inputs at financial support sa mga apektadong magsasaka.
Kabilang dito ang ₱18.50-milyong halaga ng binhi, Survival and Recovery (SURE) Loan Program, at Quick Response Fund (QRF).
Batay sa pinakahuling tala ng DRRM Operations Center ng Department of Agriculture, lumobo na sa halos ₱173.39-million ang halaga ng pinsala sa agricultural sector na dulot ng shear line.
Katumbas ito ng higit 12,000 na ektarya ng lupaing sakahan na nasalanta.
Ayon sa DA, nasa 4,566 ektarya o 37.65% ang totally damaged habang nasa 7,560 ektarya naman o 62.35% ang partially damaged. | ulat ni Merry Ann Bastasa