Siniguro ni Lanao del Sur Rep. Zia Alonto Adiong na nananatiling payapa ang kalakhang Mindanao at hindi na mauulit pa ang Marawi siege.
Ito ay kasunod na rin ng engkwentro sa pagitan ng pwersa ng militar at Dawlah Islamiyah-Maute group, kamakailan.
Ayon kay Adiong, patuloy na nagsasagawa ng operasyon ang militar laban sa remnants ng grupong sumalakay sa Marawi noong 2017.
Batid ng mambabatas na mayroon pa ring maliliit na grupo o ‘cells’ dahil na rin sa may patuloy na nagpopondo sa mga ito. Bagay na tinututukan naman aniya ng ating pamahalaan.
“You go anywhere in Mindanao, all areas in Mindanao, okay naman yung relatively peaceful. Of course there are problems in terms of peace and security. Nakita naman, this is a remnant of what happened in 2017. And there’s an ongoing military operation against yung mga remnants po.” sabi ni Adiong
“I don’t know how the military is handling this but I’m pretty sure they know exactly how the funds are coming in. Sino yung mga tao? In fact, just recently mayroon silang nahuli na isa sa mga nag-ahandle. I think yung finances coming in, resources coming in from other countries, nahuli ng DOJ, nahuli ng NBI. So this is part of our security sector’s approach in not only running after the remnants of the ISIS, whatever they are, but also the other agencies who may be a part of an overall campaign against the terrorist organization like ISIS.” dagdag ng mambabatas
Binigyang diin din ni Adiong na mahalaga ang pagtutulungan at ugnayan ng militar at lokal na pamahalaan.
Isa kasi aniya sa hamon sa paghabol ng pwersa ng military, ang mobility ng naturang grupo. Kaya importanteng palakasin ang intra-provincial security corridor.
Mahalaga rin ani Adiong ang maayos na intelligence gathering upang hindi masayang ang resources ng pamahalaan—na hindi lang pera o kagamitan bagkus ay buhay ng mga sundalo.
“Seryoso po ang ating security sector, although mahirap nga po talaga physically because you’re talking about running after. It takes individual ng mga troops na i-deploy mo doon to run after the remnants. But hopefully with the support of the LGUs, we’ve seen how we were able to liberate Marawi City. And I don’t see any reason why as the same problem again may pop up in the future, maliliit na po talaga mga cells.” ani Adiong | ulat ni Kathleen Forbes
