Kinumpirma ng Department of Environment and Natural Resources (DENR) na isa ang Sta. Ana, Cagayan sa napiling project site para sa itatayong marine research station.
Ito ay para mapalakas pa ang kapasidad sa pananaliksik ng Biodiversity Management Bureau sa ocean science.
Kamakailan lang, binisita na ni DENR Secretary Maria Antonia Yulo-Loyzaga ang munisipalidad kung saan umapela ito ng suporta sa LGU at mga mamamaya para patuloy na mapangalagaan ang coastal at marine resources sa lugar.
Ayon sa DENR, sa Sta. Ana, Cagayan matatagpuan ang kilalang Palaui Island Protected Landscape and Seascape
“Sta Ana, Cagayan will be the northernmost site to serve as sentinel covering the Northern Philippine Sea marine biogeographic region.”
Makakatuwang naman ng DENR sa extensive scientific research ang University of the Philippines – Marine Science Institute (UPMSI).
“This project is so important that is why we are working with the UPMSI to create further studies in collaboration with the community, and we would like this to be a center of education so that we know why we need to protect the area.” | ulat ni Merry Ann Bastasa