Nagpapatuloy ngayong araw ang pagsasagawa ng two-day “Mega Job Fair” ng city government ng Maynila sa pangunguna ng Public Employment Service Office (PESO) nito sa Robinsons Manila.
Ayon sa PESO Manila, daan-daang trabaho ang naghihintay sa mga aplikanteng pupunta sa Job Fair ngayong araw na mula sa iba’t ibang industriya tulad ng hospitality, restaurant, production, at marami pang iba.
Bukas ang job fair magmula alas-12:00 ng tanghali hanggang alas-6:00 ng gabi ngayong araw.
Magtungo lamang sa Robinson’s Manila, Level 1, Midtown Atrium, magsuot ng casual attire, at magdala ng ballpen, at at least 10 kopya ng resumé.
Bukas ang nasabing job fair para sa mga high school graduates, mga nakapagtapos sa kolehiyo, at maging sa mga tech-voc graduates na mga aplikante. | ulat ni EJ Lazaro
