Pinapaalalahanan ng Philippine Statistics Authority ang publiko na may kaparusahan ang anumang mapanlinlang na gawain na may kaugnayan sa Philippine Identification System (PhilSys).
Ayon kay PSA Undersecretary Claire Dennis Mapa, National Statistician at Civil Registrar General, anumang pagtatangka na ikompromiso ang integridad ng PhilSys, ay mapaparusahan alinsunod sa Republic Act 11055 o ang PhilSys Act.
Ang pagsusumite ng fictitious name o false information sa PhilSys, mula sa pagpaparehistro hanggang sa pag-update, ay maaaring makulong ng tatlo hanggang anim na taon, at multa na Php1,000,000 hanggang Php3,000,000.
Ang parehong mga parusa ay nalalapat sa hindi awtorisadong pag- imprenta o pag iisyu ng fake na PhilID.
Nilinaw din ni Mapa na sinumang indibidwal na gumagamit at nagtataglay ng PhilID o PSN sa pamamagitan ng unlawful manner ay mapaparusahan din.
Maaaring makulong ito ng hindi bababa sa anim na buwan o multa mula Php 50,000 at hindi hihigit sa Php 500,000 o pareho.
Samantala , ang hindi pagtanggap sa PhilID bilang valid proof of identity,o walang sapat o makatarungang dahilan, ay pagmumultahin din ng Php500,000. | ulat ni Rey Ferrer