Nagpasalamat ang ilan sa mga lider ng Kamara sa deklarasyon ng suporta ni Pangulong Ferdinand R. Marcos Jr. sa itinutulak na pag-amyenda ng Kamara sa restrictive economic provisions ng Konstitusyon upang mas makahikayat ng dayuhang mamumuhunan.
Ayon kay House Committee on Constitutional Amendments Chair Rufus Rodriguez, buhay na buhay ngayon ang panawagang charter reform dahil sa mismong ang Pangulo na ang naghayag ng suporta dito.
Kaya naman nasa kamay na ngayon ng Senado kung paano tutugon sa pahayag ng presidente.
“I think our push for economic reform in the Charter, which the Senate has always ignored and sent to the graveyard, is at last now alive and kicking with the President’s pronouncement. That of course will depend on how senators respond to President Marcos’ statements. And I hope that they respond positively by treating Charter reform with a sense of urgency,” sabi ni Rodriguez.
Hihintayin na lamang aniya ng Kamara na tapusin ito ng Senado at kagyat itong aaksyunan ng kapulungan.
“We are just waiting for senators to send us their own resolution, and as the Speaker has declared, we will promptly adopt it. There is hope that we could soon finish what we failed to complete for more than three decades since the 8th Congress,” aniya.
Naniniwala naman si Senior Deputy Speaker Aurelio Gonzales Jr. na magsisilbing legasiya ng Pangulo at ng 19th Congress ang pagsasakatuparan sa charter reform.
“Changing the language of the Charter’s restrictive economic provisions to enable the country to attract more foreign investments can be the legacy of PBBM and the 19th Congress,” sabi ni Gonzales.
Muli aniyang nabuhayan ng loob ang Kamara sa pahayag na ito ng Pangulo at umaasang matatapos ito sa termino ng Presidente.
“Palaging DOA ang adbokasyang ito pagdating sa Senado. Ngayon, dahil sa full support ng Pangulong Marcos, ito ay buhay at sana’y matapos namin kaagad ang inaasahang reporma sa Saligang Batas para sa kapakanan ng bansa at ng ating mga kababayan,” sabi niya.
Sa naging talumpati ng Pangulo sa Constitution Day, sinabi nitong marami ng sektor ng lipunan, ang tumukoy sa mga economic provision ng Konstitusyon na humahadlang sa momentum ng paglago ng bansa, kaya’t napapanahon na aksyunan ito.
“Our country’s economic well being is distinctly of important concern. Many sectors of society, particularly business, have pointed to certain economic provisions in the Constitution that inhibit our growth and momentum. Anchored on these restrictive provisions, there are laws that prohibit certain kinds of foreign investment and thus limit our economic potential and our global competitiveness. That is why since the 8th Congress there have been no less than 300 measures filed in the House of Representatives calling for the amendment of these economic provisions of our Constitution.” — Pangulong Marcos. | ulat ni Kathleen Forbes
