Inanunsyo na ng University of the Philippines (UP) Office of Admissions (OAdms) na gaganapin sa August 10 at 11, 2024 ang susunod na UP College Admission Test (UPCAT).
Sa inilabas na abiso ng UP, magsisimula na rin ang pagtanggap ng online application para sa UPCAT simula sa April 15.
Bukas ito sa mga Grade 12 students at maging ang mga kasalukuyang Grade 11 students na inaasahang nasa Grade 12 na sa Agosto.
Ang mga aplikante ay pinaalalahanan din na bisitahing muli ang portal ng UPCAT sa Agosto para ilagay ang kanilang mga grado sa Form 2B at isumite ang hardcopy ng kanilang SF-10 sa UP Office of Admissions sa loob ng UP Diliman, Quezon City.
Ang makapapasa sa pagsusulit ay tatanggapin bilang first year college students sa unang semester ng Academic Year 2025–2026.
Matatandaang nitong 2023 lang nang ibalik ang UPCAT matapos itong mahinto ng tatlong taon dahil sa COVID-19. | ulat ni Merry Ann Bastasa
