Nagpasalamat si Armed Forces of the Philippines (AFP) Chief of Staff General Romeo Brawner Jr. sa publiko sa mataas na pagtitiwala sa Sandatahang Lakas.
Ang pahayag ay ginawa ni Gen. Brawner matapos na makamit ng AFP ang 86% satisfaction rating at 87% trust rating sa 4th Quarter Tugon ng Masa survey ng Octa Research.
Sa isang kalatas, sinabi ng AFP Chief na ang resulta ng survey ay pagkilala sa pagsisikap at matapat na serbisyo ng bawat sundalo, airman, sailor, at marine sa pagganap ng kanilang mandato sa mga Pilipino.
Hinimok naman ni Gen. Brawner ang lahat ng opisyal, tauhan at sibilyang empleyado ng militar na patuloy na magsikap para sa bansa at manatiling nagkakaisa at propesyonal sa lahat ng panahon.
Bilin ni Gen. Brawner sa mga miyembro ng AFP na huwag hayaang masira ang tiwala ng taumbayan. | ulat ni Leo Sarne