Pinayuhan ng House tax chief ang pamahalaan na tutukan ang bigas upang mapahupa ang inflation rate.
Ito ay sa gitna ng naitalang 3.4% headline inflation rate nitong buwan ng Pebrero na mas mataas kumpara sa 2.8% noong Enero.
Ayon kay House Ways and Means Committee Chairman at Albay Rep. Joey Salceda, bumaba na ang presyo ng gulay, mais, asukal at utility bills ngunit ang bigas ay nakapagtala ng pagtaas ng 23.7% year-on-year inflation rate.
“Vegetable prices are down. Corn prices are down. On the aggregate, utility bills are down versus last year. Even sugar prices are down on a year-on-year basis. In other words, if the government were to be obsessed with one thing, it must be rice. Rice is up 23.7% year-on-year, and month-on-month inflation was at an elevated 1.0%.” sabi ni Salceda.
‘Crucial’ aniya ang susunod na 30 araw kaya mahalaga aniya na magpatupad ng interventions ang Department of Agriculture na nakatuon sa bigas.
Hindi rin aniya magandang tugon sa ngayon ang pagtataas sa pag-aangkat ng bigas lalo at ang unang bugso ng harvest season ay sa Abril na.
Ang dapat aniya na gawin ng DA ay maihanda ang post-harvest support lalo at aabot ng 12 hanggang 15 porsyento ang naitatalang lugi dito.
Kailangan din aniya na matugunan ang ilan sa logistics issue sa pantalan, farm-to-market roads at iba pang supply bottlenecks. | ulat ni Kathleen Jean Forbes