Sinuspinde ni Mayor Albee Benitez ang pasok sa lahat ng antas at paaralan sa Bacolod City ngayong araw, Marso 8.
Ito ay dahil sa mataas na heat index sa lungsod na ayon sa forecast ng PAGASA ay maaaring umabot hanggang 40° Celsius.
Ayon kay Mayor Benitez, nais niyang iprayoridad ang kaligtasan ng lahat ng guro at estudyante.
Pinaalalahanan din ng alkalde ang lahat na uminom ng sapat na tubig at patuloy na mag-ingat sa banta na dala ng mainit na panahon.
Ang Bacolod City at iba pang bayan at lungsod sa Negros Occidental ay nakakaranas na ng epekto ng drought condition. | JP Hervas, Radyo Pilipinas Iloilo
📸 BCD PIO
