Inaasahang makakaranas pa ng mainit na panahon ngayong araw, Marso 9 ang ilang lugar sa Mindanao.
Batay sa forecast ng PAGASA Weather Bureau, papalo sa 42 degrees celcius ang heat index sa Zamboanga City, Zamboanga del Sur at 41 degrees celcius bukas, Marso 10.
Patuloy ding mararamdaman ang matinding init ng panahon sa Cotabato City sa Maguindanao, simula pa noong Marso 7.
Ngayong araw, asahang papalo sa 42 degrees celcius ang heat index sa Cotabato City hanggang bukas, Marso 10.
Ayon sa PAGASA, naramdaman ang matinding init ng panahon sa nasabing lungsod noong Marso 7 at 8 na umabot sa 43 degrees celcius ang heat index. | ulat ni Rey Ferrer
