Asahan na muli na namang mararamdaman ang mainit na panahon bukas sa Bacnotan, La Union.
Batay sa forecast ng PAGASA, aabot sa 42° Celsius ang heat index na mararamdaman bukas sa lalawigan.
Ngayong araw naitala ang 40° Celsius na heat index sa lalawigan.
Kahapon din Marso 19, naitala ang pinakamatinding init ng panahon doon na aabot sa 47° Celsius at 42° Celsius noong Marso 18.
Samantala, mainit na panahon pa rin ang naitala sa Cotabato City ngayong araw na aabot sa 40° Celsius, 39° Celsius sa Roxas City, Capiz, 39° Celsius sa Puerto Princesa sa Palawan at Pili Camarines Sur, 38° Celsius sa San Jose Occidental Mindoro at Zamboanga City, sa Zamboanga del Sur. | ulat ni Rey Ferrer
