Magpapatupad ng tigil-operasyon ang Light Rail Transit Authority (LRTA) sa Semana Santa, mula March 28, Huwebes Santo hanggang March 31, Linggo ng Pagkabuhay.
Ayon sa LRTA, ito ay upang bigyang-daan ang annual maintenance activities ng LRT-2.
Samantala, magpapatupad naman ng shortened operating hours ang LRTA sa March 27, Miyekules Santo.
Aalis ang unang tren sa Recto Station at Antipolo Station ng 5:00 AM habang ang huling tren naman ay aalis ng 7:00 PM sa kaparehong istasyon.
Samantala, magbabalik ang regular operations ng LRT-2 sa April 1, 2024. | ulat ni Diane Lear
