Tiniyak ni Pangulong Ferdinand R. Marcos Jr. ang patas na eleksyon sa Bangsamoro Autonomous Region in Muslim Mindanao (BARMM) na nakatakda sa susunod na taon.
Ito ay alinsunod na din sa itinatakda ng Bangsamoro Autonomy Act Nos. 41 to 48.
Sa mensahe ng Pangulo, sinabi nitong matibay ang kanyang commitment para sa BARMM na noon pa mang siya’y bahagi pa ng lehislatura ay aktibo na siyang nagkaroon ng partisipasyon sa pagbalangkas ng Bangsamoro Basic Law.
At ngayong siya na ang Pangulo ng bansa, marami na aniyang nakamit na progreso subalit marami pa ang dapat na maisakatuparan.
At sa napipintong pagsasagawa ng halalan sa BARMM kung saan ay makakapamili ang mga residente ng kanilang iluluklok sa local at national level, inihayag ng Chief Executive na nasa kanilang kapangyarihan para magtakda ng maunlad na hinaharap. | ulat ni Alvin Baltazar
