Nagpatupad ang Department of Trade and Industry sa MIMAROPA region ng price freeze sa mga pangunahing bilihin.
Base sa inilabas na impormasyon ng DTI-Mimaropa, epektibo ang nasabing price freeze sa bayan ng Bulalacao at Mansalay na pawang nasa probinsya ng Oriental Mindoro.
Ang nasabing price freeze ay bunsod ng pagdeklara ng dalawang bayan ng state of calamaty dahil sa nararanasang tagtuyot sa lugar.
Dahil sa kautusan ng DTI, bawal itaas ang mga presyo ng mga pangunahing bilihin sa lugar sa loob ng 60 araw.
Base naman sa talaan ng DTI, ang basic necessities ay kinabibilangan ng canned fish at iba pang marine products, processed milk (evaporated, condensed at powdered milk), coffee, laundry/detergent soap, candles, bread (tasty at pandesal), iodized salt, instant noodles, at bottled water. | ulat ni Lorenz Tanjoco