Pinaiigting na ng Quezon City Epidemiology and Surveillance Unit ang Contact Tracing sa mga kaso ng pertussis sa lungsod.
Ito’y matapos magdeklara ng outbreak ang pamahalaang lungsod dahil sa pag-usbong ng nasabing sakit.
Bahagi ng Contact Tracing ang case investigation upang matukoy ang iba pang indibidwal na nakasalamuha ng cofirmed case.
Sa sandaling kakitaan ng sintomas, kaagad itong sasailalim sa quarantine at mabigyang lunas lalo na ang mga nakararanas ng sintomas ng sakit na ito.
Kamakailan, nagtungo ang City Epidemiology and Disease Surveillance team sa isang paaralan sa District 2 at nagsagawa ng contact tracing.
Ang pertussis ay isang nakahahawang sakit na naipapasa sa pamamagitan ng respiratory droplets, kapag bumabahing o umuubo.
Maari din itong makuha sa mga bagay na nahawakan ng isang taong may sakit nito.| ulat ni Rey Ferrer
