Inaasahan ang mataas na temperatura gayundin ang heat index o alinsangan sa katawan sa anim na lugar sa bansa.
Batay sa heat index forecast ng PAGASA, posibleng pumalo sa hanggang 44°C ang heat index sa Dagupan City, Pangasinan na posibleng pinakamataas na heat index ngayong araw.
Pasok ito sa danger category kung saan maaaring mauwi sa heat cramps at heat exhaustion ang matagal na exposure sa araw ng isang indibidwal.
Maalinsangan din ang inaasahang panahon at 42-43°C ang heat index sa Bacnotan, La Union; Tuguegarao sa Cagayan; Palawan; at Zamboanga City.
Pinapayuhan naman ng PAGASA ang publiko na limitahan ang physical outdoor activities sa pagitan ng alas-12 ng tanghali hanggang alas-4 ng hapon. | ulat ni Merry Ann Bastasa
