Binigyang diin ni Transportation Secretary Jaime Bautista, na ang konstruksyon ng mga transport infrastructure project ng pamahalaan gaya ng ginagawang mga railway system ang nakikitang permanenteng solusyon sa problema sa trapiko sa Metro Manila.
Ito ang inihayag ni Bautista sa isinagawang Bagong Pilipinas Townhall Meeting kasama si Pangulong Ferdinand R. Marcos Jr., ngayong araw.
Ayon sa kalihim, ang mga flagship road at rail infrastructure project ng Department of Transportation (DOTr) ay makapagbibigay ng komportable, maayos, at accessible na pampublikong transportasyon.
Mas maganda aniyang alternatibo ito sa may mga sasakyan upang mabawasan ang gumagamit ng mga kalsada.
Kabilang sa mga big-ticket na proyekto ng DOTr ang MRT-7, LRT-1 Cavite Extension, Metro Manila Subway, North-South Commuter Railway System, PUV Modernization Program, at pagpapabuti ng EDSA Busway at EDSA Greenways Project.
Himinok naman ng Transport chief ang iba’t ibang ahensya ng pamahalaan na magtulungan para mapabilis ang konstruksyon ng naturang mga proyekto. | ulat ni Diane Lear
