Mahigit 400 agrarian reform beneficiaries sa Palawan ang pinagkalooban ng ₱6,742,000 farm equipment at tractors ng Department of Agrarian Reform (DAR).
Ayon kay Agrarian Reform Secretary Conrado Estrella III, ipinagkaloob ang mga kagamitan sa dalawang (2) agrarian reform beneficiaries’ organizations.
Ito ang Bono-Bono Gintong Butil Multi-Purpose Cooperative sa Bataraza agrarian reform community at Malalong-Binasbas Agriculture Cooperative.
Makatutulong din ang mga kagamitang ito para gawing moderno ang pagsasaka ng mga ARB at ang pangangailangan ng mga magsasaka. | ulat ni Rey Ferrer
