Iminumungkahi ni Senadora Nancy Binay sa Department of Education (DepEd) at Department of Public Works and Highways (DPWH) na rebyuhin ang disenyo ng mga paaralan sa bansa.
Ayon kay Binay, ito ay para matiyak na maayos ang ventilation o ang pagpasok ng hangin sa mga silid-aralan sa gitna ng mainit na panahon.
Kabilang sa mga pinapakonsidera ng senadora ay ang pagpapataas ng mga kisame o ang disenyo ng mga bintana sa mga classroom.
Samantala, sinabi ni binay na ang pagpapatupad ng blended learning sa mga eskwelahan ay dapat lang gawing alternatibo sa mga lugar na makakaramdam ng sobrang init na klima.
Hindi rin gaanong sang-ayon si Senadora Cynthia Villar sa pagpapatupad ng blended learning.
Ayon kay Villar, mas nakakapag-focus kasi ang mga estudyante kapag nasa loob sila ng paaralan. | ulat ni Nimfa Asuncion