Posibleng manatili ang mataas na temperatura gayundin ang heat index o alinsangan sa katawan sa ilang lugar sa bansa ngayong Biyernes.
Batay sa heat index forecast ng PAGASA, posibleng pumalo hanggang sa 43°C ang heat index sa Tuguegarao sa Cagayan at Aborlan, Palawan.
Ito rin ang pinakamataas na heat index na inaasahang maitala sa buong bansa ngayong araw.
Asahan din ang hanggang 42°C sa San Jose, Occidental Mindoro; Puerto Princesa, Palawan; Dumangas, Iloilo, at Catarman, Northern Samar.
Ayon pa sa PAGASA, maaari pang magpatuloy hanggang sa weekend ang mainit na panahon at alinsangan na aabot sa hanggang 44°C.
Samantala, nasa 39-40°C ang tantyang heat index sa Metro Manila ngayong araw. | ulat ni Merry Ann Bastasa
