Muling isinailalim sa Yellow Alert Status ang Visayas grid ngayong hapon, Abril 23 mula kaninang ala-1 ng hapon hanggang alas-8 ng gabi.
Sa abiso ng National Grid Corporation of the Philippines (NGCP), ito ay dahil sa force outage ng 20 powerplant sa Visayas habang siyam ang nasa derated capacity.
Sa datos ng NGCP, kapos ang grid ng nasa 604.4 megawatts na supply ng kuryente.
Kung saan ang available capacity sa nasabing oras ay nasa 2,742 megawatts lang.
Habang ang peak demand ay umaabot sa 2,571 megawatts.
Nauna nang, isinailalim sa Yellow Alert Status ang Luzon Grid dahil din sa pagnipis ng reserba ng kuryente.
Ipinatupad ang Yellow alert mula ala-1 ng hapon hanggang alas-5 ng hapon at alas-6 ng hapon hanggang alas-10 ng gabi.
Ayon sa NGCP, nawalan ng 1,518 megawatts ang grid dahil nasa 18 power plants ang naka forced outage, habang dalawa pa ang kapos sa kapasidad. | ulat ni Rey Ferrer
