Namahagi ng tulong ang pamahalaang lungsod ng Las Piñas sa mga nasasakupan nito na may kapansanan.
Pinangunahan ni Las Piñas City Vice Mayor April Aguilar at ng City Social Welfare and Development Office ang pamimigay ng educational assistance para sa mga persons with disabilities (PWDs) sa Verdant Covered Court.
Kabilang sa naipamigay ng lungsod ang school supplies, na sumisimbulo sa pagtitiyak ng lungsod na walang maiiwan sa kanilang mga program at ang pag-una sa edukasyon ng kanilang nasasakupan.
Ayon kay Vice Mayor Aguilar, ang naturang programa ay nagbibigay-diin sa kanyang suporta sa karapatan ng bawat isang tao na magkaroon ng access sa edukasyon.
Paliwanag naman ng pamahalaang lungsod ng Las Piñas, na ang naturang educational assistance program ay bahagi ng mas malawak na programa ng lungsod na suportahan ang mga nasa vulnerable sectors. | ulat ni Lorenz Tanjoco