Binigyang-pagkilala ni Pangulong Ferdinand R. Marcos Jr. ang pagsisikap ng Western Mindanao Command, Joint Task Force, at 6th Infantry Division sa pagsugpo sa mga karahasan sa Mindanao.
Ibinihagi ito ng Pangulo sa kaniyang talumpati sa isinagawang Awarding Ceremony at Talk to Troops sa 6th Infantry Division Headquarters, Camp Brigadier General Gonzalo Siongco, Awang, Datu Odin Sinsuat, Maguindanao del Norte nitong Lunes, Abril 29.
Bilang Commander-in-Chief ng Armed Forces of the Philippines, nalulugod ang Pangulo na makasama ang mga militar na nag-alay ng kanilang buhay para sa marangal na layuning pangkapayapaan at katatagan ng bansa.
Ayon pa sa Pangulo, mahigit isang daang milyong Pilipino ang naghahatid ng pagpupugay at pasasalamat sa mga militar na patuloy sa pagpapakita ng tunay na paglilingkod sa bayan. | ulat ni Sharif Timhar | RP1 Iligan
