Lumabas na ang resulta ng University of the Philippines College Admission Test (UPCAT) para sa Academic Year (AY) 2024-2025.
Maaaring makita ang resulta ng entrance examination sa UPCAT portal o sa upcat2024results.up.edu.ph
Kailangan lamang na ilagay ng mga aplikante ang kanilang username at password na ginamit sa aplikasyon sa portal para makita ang resulta.
Para sa mga pumasa, binigyan ang mga ito hanggang sa May 31 para sumagot sa alok ng UP.
Matatandaang idinaos noong nakaraang Hunyo ang UPCAT 2024 na unang beses muli matapos ang tatlong taong suspensyon nito dahil sa COVID pandemic.
Ayon sa UP, nasa higit 100,000 estudyante ang nakibahagi sa UPCAT 2024. | ulat ni Merry Ann Bastasa
