Tiniyak ng bagong liderato ng Department of Migrant Workers (DMW) na kanilang ipagpapatuloy ang nasimulang legacy ng dati nilang kalihim, ang yumaong Secretary Susan ‘Toots’ Ople.
Ito ang inihayag ni Secretary Hans Leo Cacdac nang pangunahan nito sa unang pagkakataon ang kanilang flag raising ceremony ngayong umaga.
Sa kaniyang talumpati bilang bagong pinuno ng DMW, sinabi ni Cacdac na ipagpapatuloy lamang ang trabaho.
Nagpasalamat din siya kay Pangulong Ferdinand R. Marcos Jr. sa tiwala at kumpiyansa para pamunuan ang DMW.
Sa huli, tiwala si Cacdac na sa ilalim ng kaniyang liderato ay mapaiigting pa ang pagtatanggol sa karapatan at kapakanan ng mga OFW sa ilalim ng Administrasyong Marcos Jr. | ulat ni Jaymark Dagala
