Nagpatupad ng panibagong balasahan si Philippine National Police (PNP) Chief Police General Rommel Francisco Marbil sa apat na matataas na opisyal ng PNP.
Epektibo ngayong araw, si Police Major General Bernard Banac ang uupong bagong Director ng Directorate for Police Community Relations (DPCR).
Papalit naman kay Banac sa kanyang binakanteng posisyon bilang Director ng SAF si Police Brigadier General Mark Pespes mula sa Southern Police District ng National Capital Region Police Office (NCRPO).
Si Police Brigadier General Dindo Reyes mula sa Directorate for Comptrollership ay malilipat naman bilang Director ng Police Retirement and Benefits Service.
Habang si Police Colonel Leon Victor Rosete mula sa Police Retirement and Benefits Sevice ang magiging Acting Director ng SPD. | ulat ni Leo Sarne
