Hindi maiwasan ng ilang mga senador na pagdudahan ang pagka Pilipino ni Bamban Tarlac Mayor Alice Guo dahil sa mga kwestiyunableng impormasyon na nakalagay sa birth certificate nito.
Matatandaang kabilang sa mga kwestiyon sa birth certificate ni Guo ay ang pagkakakilan ng kanyang mga magulang niyang sina Angelito Guo at Aamelia Leal maging ng kanyang mga kapatid na sina Shiela at Seimen Guo.
Lumalabas kasi sa pagdinig na Chinese national ang ama ni Mayor Alice at napag-alaman na taga Fujian ito bagamat nakalagay sa birth certificate ni Mayor Alice na Pilipino ang kanyang ama.
Una nang giniit ni Mayor Guo na homeschooled siya at nang matanong tungkol sa kanyang childhood ay sinabi ng alkalde na wala na siyang maalala dito.
Sa kabila nito ay nanindigan pa rin si Mayor Guo na lumaki siya sa Brgy. Virgen delos Remedios Bamban Tarlac at na isa siyang Pilipino.
Aniya, kasama niyang lumaki ang mga empleyado ng kanilang farm.
Binigyang diin rin ng alkalde na hindi siya isang spy ng China.| ulat ni Nimfa Asuncion
