Nanawagan si Bataan 1st District Rep. Geraldine Roman sa Armed Forces of the Philippine na patuloy at pagibayuhin ang kanilang suporta kay Pangulong Ferdinand Marcos Jr. sa gitna ng pambubully ng China sa West Philippine Sea.
Sa daily press briefing sa Kamara, sinabi ni Roman na malaki ang kanilang tiwala sa kasundaluhan at kanilang loyalty sa sambayanan na ipaglaban ang karapatan ng Pilipinas sa ating territorial waters.
Hinikayat ng mamababatas ang AFP na ipamalas ang kanilang loyalty sa kanilang commander-in-chief gaya ng kanilang ipinamalas na pagsuporta noon kay dating Pangulong Rodrigo Duterte.
Binigyang diin pa ng Bataan solon ang mahusay na pagganap ng pangulo ng kanilang tungkulin particular ang paninindigan niyo sa mga teritoryo at soberanya ng bansa na kung tutuusin nakaka proud kumpara sa dating panahon na na kailangan pigilan ang nararamdaman sa pambubully ng China. | ulat ni Melany Reyes
