Pinatawag ng Department of Foreign Affairs (DFA) ang Chinese Embassy upang pagpaliwanagin sa nangyaring tensyon sa Bajo de Masinloc.
Ayon sa DFA ito’y matapos ang pambobomba ng tubig sa mga barko ng Pilipinas na magsasagawa sana ng routine at regular humanitarian mission sa Bajo de Masinloc.
Inaasahan ng DFA na magpapaliwanag si Chinese Embassy of Manila Deputy Chief of Mission Zhou Zhiyong sa DFA kung bakit ginawa nila ang naturang pangha-harass sa mga barko ng Pilipinas.
Samantala, muli namang iginiit ng DFA na dapat ay umalis o lisanin na ng mga barko ng China ang naturang lugar dahil malinaw na pagmamay-ari ito at pasok sa Exclusive Economic Zone ng Pilipinas. | ulat ni AJ Ignacio