Nakatakdang makipagpulong si Department of National Defense (DND) Secretary Gilbert Teodoro sa kanyang mga counterpart mula sa Amerika, Europa, at Asya-Pasipiko, sa “sidelines” ng 21st International Institute for Strategic Studies Shangri-La Dialogue (SLD) sa Singapore.
Ito’y matapos na dumalo sa pormal na pagbubukas ng pagtitipon, kung saan nakatakdang magbigay ng keynote address ang Pangulong Ferdinand R. Marcos Jr. mamayang alas-8 ng gabi.
Bukas, ay naka-skedyul si Teodoro na makipagpulong kina Lithuanian Minister of National Defense Laurynas Kasčiūnas; Canadian Minister of Defense Bill Blair; New Zealand Defense Minister Judith Anne Collins; South Korean Minister of National Defense Shin Won-Sik; High Representative of the European Union for Foreign Affairs and Security Policy and Vice President of the Commission for a Stronger Europe in the World Josep Borrell Fontelles.
Magsasagawa din ng courtesy call si Sec. Teodoro kay Minister for Defense of Singapore Dr. Ng Eng Hen. | ulat ni Leo Sarne
