Tiwala naman ang ilang mamimili sa San Juan City na kayang ibaba ang presyuhan ng bigas gaya ng ibinebenta sa KADIWA kaya’t nais nila na maibaba na ito sa mga palengke.
Sa pagtatanong ng Radyo Pilipinas sa Agora Public Market sa San Juan City, sinabi ng ilang mamimili na mabilis kasing naubos ang suplay ng ₱39 kada kilo ng bigas na ibinenta sa KADIWA ng Pangulo nitong nakalipas na araw.
Kaya naman nabitin ang mga mamimili at kanila ngayong hinihiling na mabenta na sana sa mga palengke ang ganitong presyo ng bigas.
Sa kasalukuyan, naglalaro sa ₱50 ang pinakamurang bigas pero may isang tindahan dito ang nagbebenta ng ₱43 na kada kilo ng regular-milled rice
Una nang sinabi ng National Irrigation Administration (NIA) na plano nilang magbenta ng Php 29 na kada kilo ng bigas sa mga KADIWA center sa buwan ng Agosto
Ayon sa NIA, aabot sa 10 milyong sako ng bigas ang kanilang maibebenta sa murang halaga na posible dahil sa tinatawag na contract farming at paggamit ng pump irrigation systems ng mga magsasaka. | ulat ni Jaymark Dagala
#RP1News
#BagongPilipinas
