Nagsagawa ang House of representative ng mandatory continuing legal education o MCLE.
Layon nitong maging angkop ang kaalaman ng mga abogado ng Kamara sa huling mga kaganapan sa legal na propesyon.
Tinalakay ng MCLE ang mga paksang ukol sa Environment Law and Rules and Procedures, 2019 rules on evidence as applied in criminal cases, mahahalagang amyenda sa rules of civil procedures at iba pa.
Ayon kay Atty. Fina Bernadette dela Cuesta Tantuico isa sa lecturers, may mga mahahalagang development sa ating mga batas at socio economic life dala ng mabilis na technological advancement kaya importante aniya na maging handa at angkop ang pagtugon ng mga abogado sa lipunan.
Ang MCLE ay inorganisa ng Kamara katuwang ang Integrated bar of the Philippines. | ulat ni Kathleen Forbes
