Umabot na sa 8,465 pamilya, o katumbas ng 19,373 indibidwal ang apektado ng Bagyong Aghon batay sa huling ulat ng National Disaster Risk Reduction and Management Council (NDRRMC).
Ang mga apektado ng sama ng panahon ay mula sa CALABARZON, MIMAROPA, Regions 5 at 8.
Iniulat din ng NDRRMC na 13 lugar ang binaha sa MIMAROPA at Region 8.
22 kabahayan din ang iniulat na nasira kung saan 18 ang partially damaged habang apat ang totally damaged.
Sa ngayon, nasa 2,162 na mga indibidwal ang nananatili sa 81 evacuation centers.
Umabot naman sa halos P2 milyon ang halaga ng naipamahaging tulong ng pamahalaan sa mga apektadong indibidwal. | ulat ni Jaymark Dagala