Nagbigay ng tulong ang Department of Social Welfare and Development (DSWD) sa mga magsasaka at mangingisda na apektado ng El Niño sa Region 12 o Soccsksargen.
Ito ay sa ilalim ng Assistance to Individuals in Crisis Situation (AICS) Program ng ahensya.
Pingunahan nina Pangulong Ferdinand R. Marcos, Jr. at DSWD Secretary Rex Gatchalian ang pamimigay ng tig-₱10,000 na ayuda sa nasa 10,000 benepisyaryo ngayong araw.
Bukod dito, nagbigay din ng tulong ang ibang ahensya ng pamahalaan gaya ng TUPAD Program ng DOLE at livelihood assistance mula sa TESDA.
Matatandaang namahagi rin ng tulong ang DWSD at ibang ahensya sa mga magsasaka at mangingisda sa Zamboanga City kahapon. | ulat ni Diane Lear
