Inihahandog ng NGA 911 ang mga makabagong solusyon para sa pagtugon sa emergency sa Pilipinas, katuwang ang local government units (LGUs) at mga public safety team sa bansa.
Layon nitong mapabuti ang sistema ng emergency response team mula sa integrated emergency system sa pamamagitan ng social media, SMS, o tawag.
Ayon kay Robert Llaguno, Country Head ng Next Generation Core Services (NGCS), ang teknolohiyang inihahandog ay nagpapabuti ng kamalayan sa lokasyon at sitwasyon para sa mga taga responde, at lubos na nagpapabuti sa oras ng pagresponde ng EMS, PNP, at BFP.
Nagpapasalamat naman si Morong Municipal Mayor Sidney Soriano sa buong suporta na inihandog ng pamunuan ng Lalawigan ng Rizal, sa matagumpay na paglulunsad ng advanced 911 sa munisipalidad ng Morong. | ulat ni Mary Rose Rocero
